María frá Nasaret
Móðir Jesú í Nýja testamentinu
Lykilorð:
New Testament, Mary, mother, Jesus, gospels, characterization, Nýja testamentið, María, móðir, Jesús, guðspjöll, persónusköpunÚtdráttur
María frá Nasaret, móðir Jesú, hefur gegnt miðlægu hlutverki í sögu kristindómsins um aldir. Í því ljósi vekur það athygli hversu takmarkaða umfjöllun hún hlýtur í raun í elsta og helsta ritsafni kristindómsins, Nýja testamentinu. Í þessari grein er gefið yfirlit yfir tilvísanir til Maríu í Nýja testamentinu og lýsingar einstakra höfunda á persónu hennar og háttum greindar. Leitast er við að svara spurningum eins og eftirfarandi: Sjáum við lýsingar á per-sónueiginleikum Maríu, orðum og hugsunum? Eða takmarkast þessar tilvísanir við þá ein-földu staðreynd að hún var móðir Jesú? Lýsa höfundarnir samskiptum Maríu og Jesú? Hvernig er þeim samskiptum þá háttað? Lögð er áhersla á bókmenntafræðilega persónu-sköpun ásamt framsetningu hvers höfundar fyrir sig. Almenna niðurstaðan er sú að rit Nýja testamentisins veita fremur brotakennda og jafnframt fjölþætta mynd af persónu Maríu.
